காஷ்மீர்: காவல்துறை தேடுதல் வேட்டையில் இருவர் சுட்டுக்கொலை

ஜம்மு-காஷ்மீரில் காவல்துறை நடத்திய தீவிரவாதிகள் வேட்டையில் இரண்டுபேர்
சுட்டுக்கொல்லப்பட்டனர். இறந்தவர்கள் இருவரும் தீவிரவாதிகள் என்று காவலதிகாரிகள் தெரிவித்தனர்.

குப்வாரா மாவட்டத்தில் (08.07.2012) நேற்று காலை பாதுகாப்பு படையினர் நடத்திய தேடுதல் வேட்டையின் போது இரண்டு பேர் சுட்டுக் கொல்லப்பட்டனர். மேலும் காவல்துறை அதிகாரி ஒருவர் காயமடைந்தார்.

காஷ்மீரின் குப்வாரா மாவட்டம் ஹந்த்வாரா பகுதியில் உள்ள போவான் கிராமத்தில் தீவிரவாதிகள் நடமாட்டம் இருப்பதாக பாதுகாப்பு படையினருக்கு இரகசியத் தகவல் கிடைத்ததைத் தொடர்ந்து அந்த பகுதியில் உள்ளூர் காவல் துறை துணையுடன் பாதுகாப்பு படையினர் தேடுதல் வேட்டை தொடங்கினர்.

தேடுதல் வேட்டைக்குப் பின்னர் காவலதிகரிகள் தெரிவிக்கையில், இரு தரப்பினருக்கும் இடையே நடைபெற்ற துப்பாக்கி சண்டையில் 2 தீவிரவாதிகள் சுட்டுக் கொல்லப்பட்டனர். சிறப்பு காவல் படையைச் சேர்ந்த காவலர் ஒருவர் காயமடைந்தார்.. நேற்று இதே மாவட்டத்தில் பங்கூஸ் பள்ளத்தாக்கில் நடைபெற்ற மோதலில் 3 தீவிரவாதிகள் சுட்டுக் கொல்லப்பட்டனர் என்று காவல்துறை தகவல் அளித்துள்ளது.